म कतिपल्ट लडेर
आफ्नो घुँडा फुटाएँ भने
मान्छेको खुट्टा
तिम्रो कथामा शब्द बन्छ ?
यो सूर्य
तिम्रो कथामा शब्द बन्न
मैले जिन्दगीभरि कति भारी दाउरा बालेर
कति कोइला बनाउनु पर्छ ?
यो माहुरी
तिम्रो कथामा शब्द बन्न
मैले जिन्दगीभरिमा
कतिवटा फूलहरू फुलाउनु पर्छ ?
म चाहन्छु कि
संसारका सबै माहुरीहरू शब्दहरू बनून्
यो मूर्ति
तिम्रो कथामा शब्द बन्न
मेरो ढाडको हाड जिन्दगीभरिमा
कति खिइनु पर्छ ?
मैले कतिपल्ट
घरबाट कार्यालय र
कार्यालयबाट घर ओहोर दोहोर गरेर
यो जुत्ता फटाएँ भने
त्यो चराको पखेटाहरू
तिम्रो कथामा शब्द बन्छ ?
म चाहन्छु कि
संसारका सबै चराहरूका पखेटाहरू
शब्दहरू बनून् ।
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला