न्युजिल्यान्डमा रहेर साहित्य सेवा गरिरहनु भएकी युवा कवि तथा गीतकार नमिता दवाडीद्वारा रचित गीतको गीतिभिडियो सार्वजनिक भएको छ ।

केशव भावुकको स्वर तथा हरि लम्सालको सङ्गीत रहेको यो गीतलाई उदयराज पौडेलले संयोजन गर्नु भएको हो । भिडियोलाई सशान कँडेलले निर्देशन गर्नु भएको छ । विकास दहालको सम्पादन तथा दीपक गिरीको छायाँकन रहेको यस गीतमा जीबी चिरन र अस्मिता जुरेलीको भावुक अभिनय पस्किइएको छ ।

प्रेममा पाएको धोका मूल विषय रहेको यो भावुक गीतलाई गीतकार दवाडीको युट्युब च्यानल नमिता दवाडीमार्फत सार्वजनिक गरिएको हो ।

यसअघि पनि गीतकार दवाडीको ‘म मजदुर मायाको’ बोलको म्युजिक भिडियो सार्वजनिक भैसकेको छ। गएको वर्ष गीतकार दवाडीको प्रथम कविता सङ्ग्रह ‘जीवन नदीको किनारैकिनार’ बजारमा ल्याइएको थियो । सङ्ग्रहलाई साहित्यपोस्टले प्रकाशन तथा वितरण गरेको छ ।

[embedyt] https://www.youtube.com/watch?v=FWIoVeaiUDo[/embedyt]