सुरज उपाध्याय

खै कहिले आउला यो मेरो देशमा सुनौलो बिहान
पेटभरि खान आङ ढाक्न पुगे को जान्छ मुग्लान ।
संस्कृति  हाम्रो लाउरे हुने,  परदेशमै   रमाउने
साँझ र बिहान हातमुख जोर्न दुई पैसा कमाउने
सुन्दैन सरकार कसैको बोली बहिरो नै छ कान
पेटभरि खान आङ ढाक्न पुगे को जान्छ मुग्लान।
बुझाउँछु मन बुझाउनै पऱ्यो इतिहास हेरेर
बिर्सेको छैन आएको चिठी धागाले बेरेर
कुन देशमा छैन भनिदेऊ मलाई नेपाली चिहान
पेटभरी खान आङ ढाक्न पुगे को जान्छ मुग्लान ।
पोखरा
लेखकका अन्य सिर्जनाहरू पढ्न यहाँ क्लिक गर्नुहोस्...