काठमाडौं  ।  ख्यातिप्राप्त समाजसेवी तथा श्री ५ को सरकारका सचिव र अञ्चलाधीश रामनारायण श्रेष्ठका छोरा डा. कुशनारायण श्रेष्ठ तथा प्रख्यात साहित्यकार विजय मल्लकी छोरी डा. उमा श्रेष्ठले नइ एकेडेमीलाई पाँच लाख रुपैयाँ प्रदान गर्नुभएको छ।

नइ एकेडेमीले श्रेष्ठ दम्पतीबाट प्राप्त उक्त रकम साहित्यकार विजय मल्लको शताब्दी महोत्सवका कार्यक्रम सञ्चालनमा खर्च गर्ने निर्णय गरेको जनाएको छ।

प्राज्ञिक दम्पतीको यस योगदानप्रति नइ एकेडेमीले हार्दिक कृतज्ञता व्यक्त गरेको छ।