” गजल यात्रा ” र “अन्तराष्ट्रिय नेपाली साहित्य समाज – कोलोराडो”को प्रस्तुतिमा “गजल उत्सव”को पाँचौँ शृंखला आयोजन गरिने भएको छ ।

आउँदो जुलाई २, २०२३ मा कोलोराडोमा आयोजन हुने यस उत्सव एएनएसंगको सहकार्यमा हुन लागेको हो । अमेरिकाको विभिन्न राज्यहरूबाट सहभागी हुने गजलकारहरूले आआफ्ना दमदार गजल र गजल गायन प्रस्तुत गर्ने भएका छन् ।

यसअघि टेक्सासको ह्युस्टनमा गजल उत्सव – ४ सम्पन्न भएको थियो । टेक्सास र ओहायोमा सम्पन्न गजल उत्सव १, २, ३ र ४ को सफलतापछि गजल उत्सव – ५ गरिन लागेको हो ।

गजलयात्रा -५ बारे अन्य जानकारीको लागि गजलकालहरू सतीष त्रिपाठी, पवन लामिछाने, वासु अधिकारी, डिल्लु चम्लागाँई, रोहित राना र केशव पौडेललाई सम्पर्क गर्न सकिने गजल यात्राकी मिडिया संयोजक बिटु केसीले जनाउनु भएको छ ।

आयोजक समूहले गजल यात्रा र गजल उत्सवलाई अभियान, आन्दोलन र अविरल यात्रा रहेको भन्दै सफल तुल्याउन आग्रह गरेको छ ।