गजल यात्रा अमेरिका र अन्तर्राष्ट्रिय नेपाली साहित्य समाज कोलोराडो च्याप्टर अमेरिकाको आयोजनामा गजल उत्सवको पाँचौँ श्रृङखला सप्पन्न भएको छ । संयुक्त राज्य अमेरिकास्थित कोलोराडो शहरमा गजल उत्सव सम्पन्न भएको हो ।

अमेरिकामा बस्ने दुई दर्जन गजलकारहरूले आफ्नो आफ्नो गजल वाचन गरेको सो कार्यक्रममा गजलकार लोकेन्द्र बञ्जाराको तेस्रो गजल कृति पलकको लोकापर्णसमेत गरियो । कार्यक्रमको सहजीकरण अमेरिकास्थित नेपाली गजलकार वासुपुस्पा अधिकारीले गरेका थिए ।

गजल उत्सव यसअघि हुँदै आएकोमा पछिल्लोपल्ट कोरोनाका कारण रोकिएको थियो । लक्की ड्रमार्फत वाचनको पालो छुट्याएर गरिने उत्सवमा कोही अतिथि अथवा प्रमुख अतिथि रहने व्यवस्था रहँदैन ।