साहित्यपोस्ट
नेपाली भाषा र साहित्यको सम्पूर्ण पत्रिका
sp machapuchara cash back ads

कविताः यो समय हो

 

प्रीति आत्रेय ज्ञवाली

सबै कुरा योजना गरेजस्तो हुँदैन
सबै कुरा सोचे बमोजिम हुँदैन
कुनै कुरा सोचिकन हुन्छ पूर्ण
कुनै कुरा नसोचिकनै हुन्छ पूर्ण
कुनै कुनै कुरा हुन्छ अकस्मात
बिना कुनै नियोजित पूर्वानुमान
समयको चक्र घुमिरहन्छ
जो सबैको अनुकूल चल्दैन ।

समयले कसैको
अनुकूल प्रतिकूल सोच्दैन
आफ्नो मात्र परिधि हेर्छ
आफ्नै सीमारेखा हुन्छ यसको
यसलाई कसैको वास्ता हुँदैन
कसैसित तौलिँदैन यसले आफूलाई
कसैसित गर्व पनि गर्दैन
कसैको कमजोरी देखाउँदैन
कसैलाई लघुताभास हुन दिँदैन
चल्छ आफ्नै घडि पला हेरी
अरूको यसले सुन्दैन ।

सम्बन्धित पोस्टहरु

समय

मलामी बनेर हिँडिरहेको समय

यो समय हो
आफ्नै धुनमा अनवरत चलिरहन्छ
प्रतिदिन सूर्योदय र सूर्यास्त भएझैँ
आफ्नो घडी अनुसार चल्छ
आफ्नो चालले संसारलाई सिकाउँछ
समय कसैको वशमा छैन ।

यो सर्वव्यापी छ
सर्वशक्तिमान छ
जसले यो संसार नचाएको छ
समयरूपी ईश्वरको
चाहना बिना
कुनै कुरा प्राप्य छैन
कुनै कुरा ग्राह्य छैन ।

प्रीति आत्रेय ज्ञवाली
कवि फलित ज्योतिषाचार्य हुनुहुन्छ ।

प्रतिक्रिया
Loading...