आलु भन्छ माटामुनि फल्ने जात म हुँ
मान्छेको मन सधैँभरि खुसी बनाइरहूँ ।

माटो बाहिर निस्केँ भने रूप फेर्ने गर्छु
खाँदा हुन्छ मुखै तीतो निलो हुने गर्छु ।

अनुहार उज्यालिन्छ बोक्रा खाँदा पनि
भान्साकोठा शोभा बढ्छ मैले गर्दा पनि ।

धेरै थरी परिकार बनाउने गर
सङ्क्रमण हुन सक्छ जोगाउने गर ।

माटो खनी झारपात जिलाउनुपर्छ
मात्रा मिलाई मल-माटो दिलाउनुपर्छ ।

गड्यौलाले हेरेपछि सहयोग गर्ने गर्छन्
मलहरू बढाएर मलाई भर्ने गर्छन् ।

सानातिना कीटाणुले खान आएपछि
भगाउँछु विषादीको साथ पाएपछि ।

धेरै चर्को घामले पनि खाउँलाझैँ गर्छ
माटोमुनि पुरि राख जोगाउनुपर्छ ।

मलजल गरिराख हरियाली बारी
यताउता जाने छैन समस्यामा पारी ।