कामबाट आउँदै थिएँ । शालिकहरूको आवाजले रोकिएँ । शालिकहरूले मलाई हेर्दै भने, “तिमी हामीलाई देखेर खुशी छौ ।”

मैले खुशी भएको जनाएँ । शालिकहरूको अनुहार चम्कियो । शालिकहरूलाई हेर्दै मैले आफ्नै मस्तिष्कलाई छामछुम पारें ।

फेसबुकभरी आएका शालिकका तस्वीरहरू बिहानैदेखि हेरेको थिएँ ।

मैले हेरेका शालिकहरू उस्तैउस्तै तर फरक देशका थिए ।

मैले दुवै देशका शालिकहरूलाई देशको बारेमा बोल्न अनुरोध गरें । म काम गर्दै आएको विदेशी भूमिका शालिकहरूले गर्वका साथ भने, “हामी मरेर देश बन्यो ।”

तर,

मेरो देशका शालिकहरू रुँदै भने मात्र, “नेता !”

कुवेत