अनेसास कोरिया च्याप्टरले नयाँवर्ष २०७८ को अवसर पारेर गत आइतबार एक शुभकामना आदानप्रदान तथा बृहत् रचना वाचन कार्यक्रम गर्यो ।

अनेसास कोरियाका अध्यक्ष प्रमोद सारंगको सभापतित्वमा सम्पन्न उक्त कार्यक्रमा वरिष्ठ साहित्यकार शैलेन्द्र साकार, कवि तथा कलाकार रमेश श्रेष्ठ, कवि गोवर्द्धन पूजा र कवि तथा समालोचक महेश पौड्याल लगायतले शुभकामना मन्तव्य दिनुभयो ।

कार्यक्रममा कविहरू रोशन परियार, मनोज विश्वकर्मा, लक्ष्मण गगन, कपिल अञ्जान, दिलु थापा मगर, प्राञ्जल, रामचन्द्र शर्मा, ऋद्धिमा रिजाल लगायतले आ-आफ्ना कविता, गजल, मुक्तक वाचन गर्नुभएको थियो । अतिथि स्र​ष्टा तथा रचना वाच​कह​रूलाई च्याप्ट​रले स​म्मान-प​त्र​समेत वित​र​ण​ ग​रेको थियो ।

कार्यक्रममा केही महिनाअघि अनेसास कोरियाले आयोजना गरिएको कोरियाव्यापी खुला कविता प्रतियोगिता २०७७ मा विजयी भएका कविहरूलाई पुरस्कार वितरणसमेत गरेको थियो । प्रतियोगितामा प्रथम, द्वितीय र तृतीय हुनुभएका कविहरू क्रमशः युवराज फुँयाल, निर्दोष शिव र माधव लम्साललाई पुरस्कार तथा प्रमाणपत्र प्रदान गरिएको हो ।

कार्यक्रमको सञ्चालन संस्थाका वरिष्ठ उपाध्यक्ष डि. आर. न्यौपाने सूर्यले गर्नुभएको थियो भने स्वागत मन्तव्य कार्यक्रम संयोजक आर. एन. दिनुभएको थियो ।

विग​त​ लामो स​म​य​देखि अनेसास​ कोरियाले कविता, ग​जल, मुक्त​क ज​स्ता सबै विधामा स​न्तुल​न राखेर​ विभिन्न साहित्यिक कार्य​क्र​म​ह​रू ग​रेको स्म​र​ण ग​र्दै य​स​ कार्य​क्र​ममा प​नि हरेक विधामा कलम चलाउने अधिक स्रष्टालाई उपस्थित गराएको र यसले नेपाली साहित्यको श्रीवृद्धिमा केही न केही सहयोग पुग्ने अपेक्षा लिएको संस्थाका अध्यक्ष प्रमोद सारङ्गले बताउनुभयो ।