भरतपुर, मंसिर २६ / नवप्रकाशित कृति “सुश्री पारिजात”को किताब यात्राको क्रममा साहित्यकार गोविन्द गिरी प्रेरणासँग चितवन नारायणघाटमा अवस्थित सम्पूर्ण किताब नारायणघाटमा भेटघाट तथा अन्तर्क्रिया कार्यक्रम आयोजन गरियो ।

सम्पूर्ण किताबका तर्फबाट आयोजित सो समारोहमा आयोजकको तर्फबाट लेखराम सापकोटाले आगन्तुकहरूलाई स्वागत गरेका थिए । त्यसपछि भूपिन व्याकुलले संक्षिप्त मन्तव्य दिनुभएको थियो । लेखक र कृतिको बारेमा भने डिआर पोखरेलले गहन मन्तब्य प्रस्तुत गर्दै आफूले थाहा नपाएका धेरै कुरा पुस्तक पढेर जानकारी प्राप्त भएको बताउनुभयो ।

लेखक गोविन्द गिरी प्रेरणाले पारिजातको जीवनका विविध पाटालेआकर्षित भएर तथा एक समर्थ साहित्यकार भएकोले जीवनी लेख्न प्रेरित भएको बताउनुभयो ।

कार्यक्रममा उपस्थित प्रायः सबैले केही जिज्ञासा राख्नु भएको थियो भने लेखक प्रेरणाले उत्तर दिनु भएको थियो ।

कार्यक्रम करिब २ घण्टा चलेको थियो ।

सुश्री पारिजातको अर्को किताब यात्रा यही २७ गते ४ बजे हेटौंडा बजारको खोपे गल्लीस्थित होटल अमरावतीमा हुने भएको छ ।