पत्रकार देवेन्द्र गौतमको प्रथम स्मृति दिवसको अवसरमा दुई स्रष्टालाई सम्मान गरिएको छ । भक्तपुरमा आयोजित एक समारोहका बिच स्रष्टाद्वय रोचक घिमिरे र गुणराज काफ्लेलाई सम्मान गरिएकाे हो ।

सो अवसरमा नेपाली साहित्यिक पत्रकारिताको उन्नयनमा समर्पित रही विशिष्ट योगदान दिएको भन्दै रचना साहित्यिक पत्रिकाका प्रधानसम्पादक रोचक घिमिरेलाई २०८० सालको देवेन्द्र गौतम पत्रकारिता पुरस्कार अर्पण गरिएको छ । पुरस्कारको राशी नगद १ लाख रुपैँया रहेको छ । त्यस्तै, स्रष्टा गुणराज काफ्ले ‘शाण्डिल्य’लाई नगद ५० हजारसहित कदरपत्र प्रदान गरिएकाे छ ।

कार्यक्रममा वरिष्ठ साहित्यिक पत्रकार रोचक घिमिरले निर्भिक पत्रकार गौतम नेपाली पत्रकारिताका अमूल्य रत्न भएको बताए ।

सोही अवसरमा ‘देवेन्द्र गौतम स्मृतिमा’ र गौतमकृत डायरी ‘आकाश पाताल’ चिनियाँ अनुवाद ‘काउन्टर इन्भेस्टिगेशनको लोर्कापण गरिएको थियो ।