नेपाल सङ्गीत तथा नाट्य प्रज्ञा प्रतिष्ठानकाे सङ्गीत विभागकाे आयोजनामा पञ्चेबाजा र खैजडी वादन प्रशिक्षण सम्पन्न भएको छ ।  जेष्ठ ३० गतेदेखि सञ्चालित प्रशिक्षण कार्यक्रम असार ८ गते सम्पन्न भएको हो ।

प्रशिक्षण कार्यक्रममा १३ जना युवा र १२ जना प्रौढ गरी जम्मा २५ जना प्रशिक्षार्थीहरू  सहभागी थिए । प्रशिक्षार्थीहरूलाई गायक, सङ्गीतकार तथा वाद्यवादक आशिष अविरल र सहनाइ वादक मेखबहादुर परियारले प्रशिक्षण दिनुभएको थियो ।

सङ्गीत विभाग प्रमुख प्राज्ञ कर्णबहादुर गाैतमको संयाेजनमा सञ्चालित उक्त प्रशिक्षण कार्यक्रममा शास्त्रीय तथा आधुनिक दुबै विधिबाट प्रशिक्षार्थीहरूलाई प्रशिक्षण दिइएको थियो ।

प्रशिक्षक कार्यक्रमकाे समापनमा गल्कोट नगरपालिका प्रमुख भरत शर्मा गैरेको प्रमुख आतिथ्यता रहेको थियाे ।