विष्णुप्रसाद आचार्य “अतृप्त”

परै बसी माया गरूँ यस्तो रहर जाग्छ
छोएपछि फूलमा नि त हातको विष लाग्छ

टाढाबाट हिमाल आहा नजिक पुगे भिर
पवित्र छ नटेकेरै कैलाशको शिर
नधोएरै राखूँ रुमाल मनले यस्तो माग्छ
धोएपछि आखिरमा मीठो बास भाग्छ

कल्पनामा आनन्द छ मोह बढ्छ पाउँदा
कस्तो होला इन्द्रेणीको माला उनी लाउँदा
नफोएरै राखूँ गाँठो यस्तो रहर जाग्छ
फोएपछि रहस्यको पाना सादा लाग्छ।

विष्णुप्रसाद आचार्य “अतृप्त”
विदुर- ५, नुवाकोट
हाल: तारकेश्वर- २, काठमाडौँ ।
मोवाइल नम्बर: ९८४१५४८४२५