साहित्यपोस्ट
नेपाली भाषा र साहित्यको सम्पूर्ण पत्रिका

तिलक पोखरेलका तीन कविता

१. निद्रा

विचारको सतहमा

स्वतन्त्र उडिरहेको

सपनाको एउटा प्वाँख

चुट्यो अचानक !

 

उम्लनु भनेको पोखिनु मात्र रहेन …….

 

रापको ओछ्यानमा सुतेर

शान्तिको कामना गर्नु निद्रा नै हो सायद ।

तिलक पोखरेल

 

२. मनकान्छे

पिञ्जडामा निर्भीकतापूर्वक

बाँचिरहेको चरोको मनमा

उम्रिरहेको आशाको टुसा

कहिले फुल्ने हो ?

 

सम्बन्धित पोस्टहरु

शब्द बाहिरको देश

काठको हो या चाँदीको

कुनै पनि पिञ्जडा

चरोलाई रातै हुन्छ दिउँसो पनि ।

 

३. सम्बोधन

एउटा सिङ्गो जीवनको

लगानीबाट

सन्तानको ओठमा

फुल्छ एउटा शब्द ।

 

र त्यसैलाई प्रेरणा सम्झेर

लगानीमा साधनरत् हुन्छन् ……

 

ऋतुको काँचुली फेर्ने कला

त्यो शिशुको ओठमा ….

 

उमेरको बतासले उडाउने पो हो कि ?

 

सम्बोधन त प्रकृति हो

प्रतिनिधि त हैन नि !

प्रतिक्रिया
Loading...