साहित्यपोस्ट
नेपाली भाषा र साहित्यको सम्पूर्ण पत्रिका

शिव पलाँसको गीत

Chovar Blues Mobile Size

देखिएको आँसु पनि झुटो हुन सक्छ
शिकार गरिसकेपछि गोही रुन सक्छ

आँखालाई विश्वास गर्दा ठक्कर पनि हुन्छ
फूलको मुटु छामी हेर्दा पत्थर पनि हुन्छ
आवरणले ज्ञान हुँदैन के छ किताबभित्र
चित्र हेरी के बुझ्नु खोई मानिसको चरित्र

शरण पर्छ, हात जोड्छ, दर्शन हजुर भन्छ
पर्दापछि जान्छ अनि फेरि जरा खन्छ
को हो हीरा, को हो सिसा जाँच्ने कसी छैन
जति बुझ्यो मान्छेलाई त्यति बुझिँदैन ।

अमेरिका

प्रतिक्रिया
Loading...