तिमी फूल हौ — फूलमति
मनको बगैँचाभरि फुली रहने
तिमी फक्रिँदा सुवासित भइरहने
यौवनपुष्पित मिठास दिइरहने।

तिमी फूल मात्रै पनि होइनौ
तिमी मेरो सारथी पनि हौ
दुःखले मन थिच्दा
र खुसीले छाती भरिदिँदा,
तिम्रो आलिङ्गनमा हराउने।

राती निद्रामा हराउँदा
र बिहान घामसँगै मुस्कान फर्काउँदा
मनको कुनामा बोलाउने
तिमी फूलमति नभए को हौ?

मौसमझैँ बदलिने दुनियाँमा
स्थिर भएर मभित्र हराउने
स्निग्ध प्रेम बर्साइरहने
सामीप्यतामा हराउने “अनुराग” हौ।