बाबा !
तिम्रा पनि सपना होलान्,
ती सबै मारेर
परिवारको इच्छा
पूरा गर्न सधैँ हतार गर्छौ ।
खै कसरी सक्छौ ?
चिन्ता दुःख सबै लुकाउन ।

जब घरको द्वारभित्र पस्छौ
एक गिलास पानी
पिउँदैमा खुशी देखिन्छौ ।
दिनभरिको थकाइ
बिर्सिन्छौ ।

बाबा !
कुनै दिन त आउला
मैले तिम्रो दुःख
बोकेर हिँड्ने
मेरो मिहिनेतले
तिम्रा सपना पूरा गर्ने !

लाग्दैन डर केहीको
जब तिम्रो हात शिरमा
आशीर्वाद बनेर बस्छ ।
ममा मिहिनेत गर्ने
हिम्मत बढेर आउँछ ।

शिरमाथि तिम्रो
आशीर्वादको हात
बसेपछि ।
पसिना बगाएर
एउटै भए पनि
तिम्रो सपना
पूरा गरेको दिन
मेरो हृदयमा
खुशी फुल्ने छ ।

पीर नलिनू बाबा !
आफ्नै कमाइले
तिमीलाई दुई छाक
ख्वाउन सकेको दिन
म तिम्री छोरी भएकोमा
धेरै-धेरै खुशी हुने छु ।

कक्षाः ७
नाइटिङ्गल इङ्लिस सेकेण्डरी स्कुल, कुपण्डोल ।