१
अभर परो
साथीलाई सापट
मित्रता बन्द

२
त्यो बेला थिए
राक्षस र देउता
अहिले पनि

३
उद्घाटन भो
आयोजनाको ताँती
लङ्गडो साथी

४
मीठा भाषण
झुपडीका चित्कार
गोहीको आँशू

५
रोबोट हो र ?
तोकेको बोल्ने, लेख्ने
निर्वन्ध मन

६
भाषा न शैली
पुङ् न पुच्छरको
राष्ट्रिय कवि

७
क्षिजित पारि
स्वर्गको दरबार
आशाको दीप

८
पैसा र शक्ति
जता काफल पाक्यो
उतै लरी लै

९
ढुङ्गा ढोगेर
विज्ञान पढाउँछन्
हाम्रा गुरुबा

१०
राष्ट्रको धन
चण्डालको चतुर
फुपूको श्राद्ध

लेखकका अन्य सिर्जनाहरू पढ्न यहाँ क्लिक गर्नुहोस्...