एक
माया र पानी
जहिले उधैँ-उधैँ
बगिरहने ।

दुई
नाकको फुली
कति खुलेकी ठूली
कानमा जुली ।

तीन
बिरालो बाँधी
श्राद्ध गर्छन् बाले
परम्परा रे !

चार
जनआक्रोश
बाकसमा पोखियो
गणतन्त्रमा ।

पाँच
बानी खराब
नुन छैन घरमा
तान्दै शराब।

छ
असारे बेठी
दही-चिउरा, रोटी
दमाहा ठोकी ।

सात
झरेर पात
वसन्त पालुवामा
नवजीवन ।

आठ
फूलको डालीमा
गुँड लायो चराले
यसै पालिमा ।

नौ
दास भएर
खास हुनेहरू हो
किन निराश ?

दश
खेलेर तास
घरमा छैन बास
धनको नास ।

लेखकका अन्य सिर्जनाहरू पढ्न यहाँ क्लिक गर्नुहोस्...