ऊ सडकमा आइपुगेको छ । एकदम हताश, थकित एवं त्रसित ।

अचानक त्यहाँ अरू पनि आइपुग्छन् । र, उसलाई घेर्छन् । सबैले तथानाम गाली गर्न थाल्छन् । ऊ डरले केही बोल्न सक्दैन ।

पछि, जथाभाबी आक्रमण गर्छन् । तत्काल उसको बचाउका लागि केही मानिसहरू देखा पर्छन् ।

मानिसहरूले उसलाई बचाएर लग्छन् । अहिले ऊ मानिसहरूकै संरक्षणमा छ ।

उसको खास नाम मोबाइल हो । र, आक्रमणकारीहरू भने क्यामेरा, क्यालेन्डर, क्यालकुलेटर, कम्पास, घडी, रेकर्डर, रेडियो आदि हुन् ।

आक्रमणकारीहरूको एउटा मात्र गुनासो रहेछ, उनीहरूको रोजीरोटी खोसिनु ।