डा. नवराज केसी

डा. नवराज केसीद्वारा लिखित ‘शून्यको मूल्य’ कृतिलाई यस वर्षको उत्तम शान्ति पुरस्कार प्रदान गरिने भएको छ ।

उत्तम कुँवर स्मारक पुरस्कार गुठीद्वारा जारी विज्ञप्तिअनुसार सो कृतिले अँध्यारो समाजलाई उज्यालोतर्फ उन्मुख गराउने सन्देश सहित कर्णालीका आमाहरूको दुःखपीडा, साहस र संघर्षलाई कृतिले अत्यन्त मार्मिक, यथार्थपरक र आख्यानात्मक शैलीमा प्रस्तुत गरेबापत साहित्यकार केसीलाई ताम्रपत्र र नगद एक लाख सहित पुरस्कृत गर्न लागेको हो ।

गुठीका सभापति डा. पार्थिवेश्वर तिमिल्सिनाद्वारा हस्ताक्षरित सो विज्ञप्तिमा गुठीले २०४४ सालदेखि निबन्ध, यात्रासंस्मरण, जीवनी, आत्मकथा, अन्तर्वार्ता लगायतका आख्यानमुक्त गद्य विधामा रचना गरिएका उत्कृष्ट नेपाली कृतिलाई सो पुरस्कार प्रदान गर्ने बताइएको छ ।