काठमाडौँ / ११२ ओै अन्तर्राष्ट्रिय नारी दिवसको अवसर पारेर २०७८ फागुन २४ गते टुक्का साहित्य समाजको आयोजनामा “विशेष टुक्का लेखन अभ्यास श्रृङ्खला-३३” सम्पन्न भएको छ ।

‘सामाजिक न्याय र लैङ्गिक समानता : दिगो विकासको सुनिश्चितता’ भन्ने नारासहित यो वर्ष ११२ औं अन्तर्राष्ट्रिय नारी दिवस मनाइएको छ ।

टुसासका अध्यक्ष ताराप्रसाद चापागाईंले प्रशिक्षण गर्नु भएको उक्त कार्यक्रममा नेपाल, भारत लगायत विश्वका विभिन्न देशहरूबाट १०४ टुक्काकारहरूको सहभागिता रहेको थियो । कार्यक्रमका सहभागी टुक्काकारहरूले लैङ्गिक समानता तथा नारीका हक अधिकार सम्बन्धी चोटिला टुक्काहरू सिर्जना गरेका थिए ।

कार्यक्रमको समापन गर्दै अध्यक्ष चापागाईंले महिला र पुरुष एक रथका दुई पाङ्ग्रा भने झैँ दुवैमा समान हक र अधिकार सुनिश्चित हुनु पर्ने । लिङ्गको आधारमा भेदभाव, अन्याय र शोषण कसैबाट पनि हुनु नहुने कुरामा सबै सचेत हुनु पर्ने कुरामा जोड दिँदै अन्तर्राष्ट्रिय नारी दिवसको अवसरमा विश्वभरीबाट सहभागी भई चोटिला टुक्काहरू सिर्जना गर्ने टुक्काकारहरू तथा संसार भरीका सम्पूर्ण नारीहरू मा हार्दिक बधाई तथा शुभकामना व्यक्त गरेका थिए ।

अभ्यासका क्रममा सङ्कलन गरिएका लैङ्गिक समानता तथा नारी दिवस सम्बन्धी चोटिला टुक्का कविताहरू

[१]
परापूर्व कालदेखि नारी दबिएका थिए
धेरै सङ्घर्ष गरि समान अधिकार लिए ।
✍️ ताराप्रसाद चापागाई
धुनिबेसी ।

[२]
दृष्टी हुनैपर्छ छोराछोरीलाई समान हेर्ने,
पुरुष प्रधान समाजलाई अब छिट्टै फेर्ने।
✍️ सुरेशकुमार पान्डे
दाङ घोराही-१८

[३]
हृदय देखी सम्मान, ती विविध रुप देशका नारीका,
हक अधिकारको आफ्नो लडाइँ, विरुद्ध जुँघा दारीका।
✍️ प्रदीप के रिमाल
इटहरी-८, सुनसरी

[४]
नारीवादी दिवस होइन मनाऔं श्रमिक महिला दिवस
पहिचान गर्न सिकौं कुन कुन महिला छिन् साँच्चिकै विवश।
✍️ रचना शर्मा प्रतीक्षा
ललितपुर ।

[५]
नारी पनि पुरुष समान
खराब कुरा सधैँ नमान ।
✍️ अरुण नदी खत्री
काठमाडाैँ ।

[६]
नारी पुरुष समानको राखौं दृष्टि,
चल्दैन कहिल्यै नि नारी बिना सृष्टि।
✍️ शर्मिला श्रेष्ठ
भैंसेपाटी, ललितपुर ।

[७]
गलत विचारलाई प्रश्रय नदिनु
दु:ख पाइन्छ अाफैँले आश्रय नलिनु ।
✍️ अनुराग अरुण
काठमाडाैँ ।

[८]
एक रथका दुई पाङ्ग्रा यिनै नारी मान्नु
नहेप्नु गृह लक्ष्मी महान भनेर जान्नु ।
✍️ रश्मि रिमाल
झापा ।

[९]
आमा, दिदी, बहिनी, अर्धाङ्गिनी समेत हुन नारी
माया, प्रेम र स्नेह दिन्छन् दुखबाट सुखमा तारि ।
✍️ पवन कुमार बुढाथेाकी
काठमाडौं

[१०]
युगौँ युग देखि जिम्मेवारीको बोझ बोक्तै आएकि थियौ नारी
शिक्षा, सभ्यता र आधुनिकताले हलुको बनाई दियो भारी।
✍️ प्रमोद भट्टराई ‘प्रतीक’
कौशलटार, भक्तपुर

[११]
नारी सृष्टि धराकी ममता कि खानी
अपमान गर्छौ किन तिमी अज्ञानी ।
✍️ सुर्य मणि रेग्मी
चितवन ।

[१२]
दु:ख पीडा त्याग्दै मुस्कुराउँदै परिवारमा कैद छिन् दुनियाँ सारी,
हरक्षण सबैलाई उज्ज्वल प्रकाश छर्ने शक्तिको रुपहो नारी।
✍️ कबिताहरी
सुन्दर हरैंचा नगरपालिका १ मोरङ

[१३]
नारी निरीह हुनुहुन्न शक्ति छ तिमीमा विशेषत
कोटामा सिमीत हैन है सम्माननीय छौ निशेषत ।
✍️ पुष्पशायरा । बिराटनगर ।

[१४]
नारीत्वको सम्मान गरौँ
माया प्रेम जगमा छरौँ ।
✍️ रतन पाण्डे’पारतन’
दार्जीलिङ।

[१५]
भक्ती गरौँ सबै मिलि अब हाम्रा नारीको
आशा नगर्नु कहिल्यै घर देखि पारिको ।
✍️ राजेशराज गड्तौला
रतुवामाई- १०, मोरङ
हाल- प्रवास

[१६]
सशक्त र परिपक्क बनेर नारीमय,
कति बस्छाै दबिएर तिमी बन्दै सदय।
✍️ होम प्रसाद नेउपाने
धरान ।

[१७]
हुनैपर्छ जागरुक हामी नारी पाइला अघि चाल
बुलन्द भइ अत्याचारी कुदृष्टिका तोड्नुपर्छ जाल।
✍️ ओमकुमारी बन्जारा
काठमाडाैँ ।

[१८]
काम गर्ने ठुलै दम छ नारीमा
अधिकार भने नम छ सारीमा।
✍️ परिक्रमा श्रेस्ठ
धरान- १५, सुनसरी ।

[१९]
अधिकार मात्रै नखोजौँ कर्तव्य पनि त गर्नुपर्छ,
महिला पुरुष बराबरी कर्ममा अघि सर्नुपर्छ।
✍️ नानीबाबा अधिकारी
काठमांडौ ।

[२०]
लेख्ने गर्दछु हरेक पानामा नारीको जीवन कहानी
छन् शंकास्पदका धारणा सच्चाइ खोज्दै यो शुभ बिहानी।
✍️ अम्विका अधिकारी
झापा विर्तामोड ।

[२१]
नारी पनि छोरी हो गर्भमा मार्ने नगर्नु,
स्वतन्त्रता कापीमा हैन हृदयमा छर्नु।
✍️ सहयात्री शाेभा अर्याल
रुपन्देही -१४, बुटवल ।

[२२]
नारी नै हुन हामीलाई संसार देखाउने
दु:ख कष्ट साथ दिई भविष्य लेखाउने ।
✍️ प्रेम सुनार
दैलेख ।

[२३]
आधा आकाश काँधमा राख्ने विश्वका महिला
समान दृष्टि सदा राखौँ स्थान दिई पहिला ।
✍️ त्रिलाेचन भण्डारी
मेचीनगर, झापा ।

[२४]
शुभकामना छ सम्पूर्ण ती विश्वका नारीलाई
जसले गोड्दछन् प्रेमले संसारको बारीलाई।
✍️ दीपक ठटाल जलन
खरसाङ।

[२५]
जहाँ हुन्छ नारी सम्मान तहाँ रम्छन् रे देवता,
लैङ्गिक विभेदको अन्य होस् रमून नारी तता।
✍️ वसन्त अनुभव
दाङ

[२६]
रथका दुई पाङ्र्गा हुन् नारी पुरुष तैपनि
कानले मात्र सुनिन्छ बाेलेर मात्र हुदैन नि ।
✍️ सावित्री न्यौपाने
काठमाडाैँ ।

[२७]
नारी भनि भाषण गर्छन् भित्रै दबाएर
अधिकार ती दिने कुरा पाखा लगाएर ।
✍️ ललिता अभागी
सुनकोशी-५, सिन्धुली ।

[२८]
नारी घरकी लक्ष्मी सधैँ सबैको इज्जत,
सम्मान गरे घर उज्यालो बन्छ सतत।
✍️ म्यामराज राई
हतुवागढी-६,भोजपुर

[२९]
संघर्ष र साहस बोकेर हिड्ने नारी हुन्
अजम्मरी छ उनको माया भुल्न हुन्न गुन् ।
✍️ अनुग्रह राना मगर ‘पुष्प’
संखुवासभा हाल मलेसिया ।

[३०]
सोच बद्लेर अगाडि बढ्नुपर्छ अब नारी
हलुका हैन निपूर्ण बन्दै हुनुपर्छ भारी ।
✍️ दुर्गा भट्टराई
मोरङ ।

[३१]
दिवसले मात्र खुसी हुँदैनन् यी नारी
बलात्कारी हत्याराको उछित्तो नपारी।
✍️ रामशरण न्यौपाने
भक्तपुर ।

[३२]
खै सकेको ? अधिकार नी लिन चाहेजती
नारी नै छन् मन्त्री पनि देशको राष्ट्रपति ।
✍️ ईशहाक हुसैन
जितपुर सिमरा १४ बारा ।

[३३]
एउटा सिक्काका दुई पाटा पुरुष र नारी,
अवसर पाए सिँगार्छन् लोक चिटिक्क पारी।
✍️ गंगा खङ्का
बूढानीलकण्ठ काठमाडौँ ।

[३४]
मानवताको व्यवहारले महिला उत्थान हुन्छ
अधिकारको उपयोगले नै नौलाे बिहानी छुन्छ।
✍️ मनोहरी पौडेल
गैडाकोट १, नवलपुर ।

[३५]
जन्म देखि मृत्यु सम्म साथ दिने नारी
जति बाेझ थपे पनि बाकेकै छ भारी।
✍️ प्रेम कला चापागाईं( सिटौला )
मेचीनगर १२ झापा ।

[३६]
नारी सिर्जना मूल हौ,चार दिवार बाट बाहिर आऊ,
शिक्षारुपी श्रृगारले सजिएर, ज्ञानको ज्योति जगाऊ ।
✍️ बिबस पारदर्शी
भद्रपुर -२ झापा ।

[३७]
बचाउनु जसरी पनि बाध्यता मा अमुल्य जीवन
नगर्नु सरकारकाे भराेसा नौट्ङकी लाचार पन।
✍️ संझना कुसुम
पाेखरा

[३८]
लक्ष्मी, दुर्गा सरस्वती देवता हुन नारी,
छोरी हुँदा गाउँ समाजलाई किन भारी।
✍️ अम्बिका गिरी
विराटनगर ।

[३९]
आधा धर्ती आधा आकाश जग्मगाउने नारी
स्वदेश देखि विदेश पुग्छौं खोज्दै रोजगारी ।
✍️ तारा घिमिरे
संखुवासभा ।

[४०]
जागजाग यो देश जोगाउन नारी,
गरि देखाउ पुरुषको मेखमारी।
✍️ चिरञ्जीवी ढकाल
नेपालगन्ज -२०
राँझा एयरपोर्ट बाँके

[४१]
लेख्न हुन्थ्यो एउटा टुक्का नारीको सम्मान गरि
नारीहरूको हालत देख्दा आउँछ मन मरि।
✍️ मन्दिरा सेढाई
मलेखु, धादिङ ।

[४२]
बदलिएको छ जमाना छोरी धान्छिन् संस्कार,
छोरीलाई छोरा ठानौँ गर्न छाडौँ तिरस्कार ।
✍️ जमुना आचार्य
सिन्धुपाल्चोक ।

[४३]
सलाम गर्छु नारी प्रति नतमस्तक बनी ,
तिमि मेरी जन्मदाता सर्व प्रिय नाता भनी ।
✍️ रामकृष्ण दुवाडी
पाेखरा ।

[४४]
नारी दिवस मलाई लाग्छ बजेट पचाउने दाऊ
ढाडस देखाएर सेल्फी खिच्ने पीडित नारीकाे घाउ ।
✍️ गणेश तिमल्सिना गति
धनुषा ।

[४५]
आधा आकाश पुरुष भए आधा हुन्छिन् नारी
नारी सम्मान नगर्ने मान्छे साह्रै अत्याचारी ।
✍️ गुणनिधि घिमिरे
पाँचथर मोरङ हाल अमेरिका ।

[४६]
नारी नै हुन् आखिर यो संसार चलाउने ,
विश्वास र आस्थाको दियो सधैँ बलाउने ।
✍️ विक्रम तिरुवा सलिन
जुम्ला ।

[४७]
नर र नारी ईश्वरका हुन् फूलबारी
नगराैँ भेदभाव दुवै छन् बराबरी।
✍️ प्रद्युम्न चालिसे
भक्तपुर, कटुञ्जे ।

[४८]
नारामा मात्र सीमित नहोस नारी दिवस
देवी राक्षसी रुप लिन नबनाऊ विवश।
✍️ सरस्वती श्रेष्ठ
इटहरी ।

[४९]
दुर्गा लक्ष्मी सरस्वती रुप अनेक जानि
नारीलाई सम्मान गराैँ शक्तिरुपा ठानि।
✍️ मित्र उराठी गाैतम
अमरपुर-गुल्मी हाल: तिलाेत्तमा न पा-२

[५०]
नारीलाई कस्तो हुन्छ शिशु बालक जन्माउनुको व्यथा
अरू त परै छोड्नुस् पुरुष बुझिदिनुस् जीवनको कथा ।
✍️ बिनिता विश्वकर्मा बिनु
बाजुरा

[५१]
पृथ्वी सहन्छिन् दैवीप्रकोप, विकासका गतिहरू,
त्यस्तै महिलाहरू पनि, सृजनाका सुमतिहरू ।
✍️ रामप्रसाद पुरी
ऐसेलुखर्क २ बादेल,खाेटाङ

[५२]
पुरुषलाई जन्मदिने तिमी हाै आमा,
मलहम भै राहत दिन्छाै वेदनामा ।
✍️ गाेपालकृष्ण डंगाेल
इटहरी, सुनसरी ।

[५३]
नारीको पनि अधिकार छ खुलेर बाँच्न देऊ
गणतन्त्र देशमा नलगाउ विवादले छेउ ।
✍️ प्रकाश बुढाथोकी
असम भारत ।

[५४]
नारी कोमल भावकी हृदयकी आदर्श भावना ,
चाड समान नारी दिवसकाे हार्दिकता कामना ।
✍️ रामजी लामिछाने
पाेखरा ।

[५५]
नारी पुरुष दुवै जना सबै काममा अब्बल हुन्छन्
परिआएमा नारीले पनि उच्च सगरमाथा छुन्छन्।
✍️ रामकृष्ण रिजाल
बाग्लुङ ।

[५६]
नारी दिवसको दिन मात्रै देखावटी भएको छ नारा
हक अधिकार पाएका छैनन् गाउँका चेलीले सारा।
✍️ राम रावल सागर
कैलाली ।

[५७]
समानताको नारा उराल्दै नारी अगाडि बढेका
दासताको जन्जिर चुडाल्दै उच्च शिखर चढेका ।
✍️ डम्बर थामी ‘अनुपम’
कालिन्चोक गा.पा. -६, दोलखा।

[५८]
सबैले आफ्नै घरबाट नारीको समान गरौँ
हक अधिकार दिएर मुहारमा कान्ति भरौँ।
✍️ भगवती दवाडी
दमक, झापा ।

[५९]
नारीले पनि पुरा गर्छिन् जिम्मेवारी
हिड्छिन सधै भरी दुःख आफ्नो टारी ।
✍️ अम्बिका कोइराला
धादिङ

[६०]
नारीको अपमान नारीले बुझोस्
बुहारी नसम्झिनु छोरी नै सुझोस्।
✍️ सुरेखा चाम्लिंग
भक्तपुर ।

[६१]
चौतर्फी व्याप्त छ अन्याय प्रवृत्ति कहिले हराउँछ
संस्कारी बन्ने होडमा नारी स्वयंले हिंसा निम्त्याउँछ।
✍️ अरुणा श्रेष्ठ ‘अनु’
भद्रपुर-३, झापा।

[६२]
धर्तीकी प्रतिमूर्ति हुन् नारी एक चम्किलो तारा जानीजानी,
जीवनमा कसैले नारीलाई नपुर्‍याउ अपवित्र हानि ।
✍️ बेदु न्यौपाने
काठमाडौ ।

[६३]
वर्षमा एकदिन मनाइन्छ नारी दिवस ,
घरेलु हिँसा सहन, कयौँ नारी छन् विवश ।
✍️ बुद्धिमान चौधरी
कनकाई नगरपालिका ४ झापा

[६४]
नारी धर्ति उनै देवी हुन् संसारकाे सृष्टी
भावना बुझाैँ नारीकाे बनाऊँ दूर दृष्टि ।
✍️ तारा थापा
ललितपुर ।

[६५]
उनैले थामेका छन् सृष्टि
उल्टै राखिन्छ वक्रदृष्टि।
✍️ वेद प्रसाद रिजाल
इलाम ।

[६६]
शिक्षा, अवसर पाए नारी कमजोर हुन्नन्
दबिदै हेपिएर बस्नु नपरे त्यसै रुन्नन् ।
✍️ रुपा गौतम
बारा ।

[६७]
नारीको पहिचान हुँदैन लगाउँदैमा सारी।
काँधमा बोकेर हिँडनु पर्छ कैयौँ जिम्मेवारी।
✍️ ज्याेति घिमिरे
धनुषा ,गोदार।

[६८]
म त बोल्दिन नारीको छेवैमा बसेर
मलाइ बात लाउला जवानी देखेर ।
✍️ जि कुमार गौतम
भद्रपुर -१ (पृथिविनगर) झापा

[६९]
अपहेलना नगराैँ नारीकाे सम्मान गराैँ
आपसमा माया ममता र सद्वभाव भराैँ ।
✍️ केसर बाेहरा (सङ्घर्ष )
सुदुर पश्चिम अछाम ।

[७०]
अझै पनि कयौं नारीहरूले अन्धकारमा जिएकाछन्
आफुले पाएका यातनाहरु अमृत सम्झि पिएकाछन् ।
✍️ रिना सापकाेटा
निजगढ, बारा ।

[७१]
वर्षमा एकदिन मात्र नारी पुजेर
हुदैन यिनलाई कमज़ोर बुझेर ।
✍️ गृष्मा पौड्याल
टोकियो जापान

[७२]
नारी नै हुन् ममताकी खानी
घर सुन्दर पार्ने महारानी
✍️ विशाल सुवेदी
मकवानपुर मनहरी ९

[७३]
नारी जगको सुन्दर फूल
चुँडेर फाल्ने नगर्नु भुल।
✍️ बिके मुखिया
सिग्रीमताम बस्ती, दार्जीलिङ भारत।

[७४]
खै कहाँ हरायाे महिला अधिकार
हटेन कहिल्यै अन्याय अत्याचार ।
✍️ रत्ना पुन मगर
रुकुम पश्चिम्।

[७५]
लैङ्गिक भिन्नता हटाऊॅ मिलेर,
देश चलाउनेछन् नारी जुटेर।
✍️ घनश्याम पौडेल
सृजना चोक, पोखरा ।

[७६]
यौन घरेलु हिँसा अत्याचारमा सधैँ पिल्सिएका,
खै त नारीका सफलताकाे समाचार लेखिएका।
✍️ बबिता बिष्ट
नारायण नगरपालिका ६ दैलेख

[७७]
सीता जन्मभुमी हाम्रो न्याय खै त कता गुम्यो
सिनेट्को छैन है आशा भ्रुणमै जिन्दगी घुम्यो।
✍️ कमला देवकोटा, पाल्पा
हाल- काठमाडौ

[७८]
बलात्कार र घरेलु हिंसाले पीडित छन् नारी,
बस्न विवश छन् मनको इच्छाहरूलाई मारी।
✍️ गणेश तामाङ वाइबा
ताल्ती,धादिङ नेपाल।

[७९]
कागजमा लेखिएका महिला अधिकार ,
किन लागु गरिएन गराैँ खबरदार ।
✍️ केशव प्रसाद ढकाल `प्रीतबीज´
गाेरखा।

[८०]
हेर्ने आँखा असल भए सारा संसार नै राम्रो
घर मात्र कहाँ हो र देश सामाज बन्छ हाम्रो।
✍️ कृष्ण आनन्द भट्ट
पञ्चेश्वर ०५ बैतडी

[८१]
धर्ती हो फूलबारी, नारी कोमल फूल
इज्जतमा हिलो छ्याप्ने गर्नु हुन्न भुल ।
✍️ बिके माकजु
भक्तपुर ।

[८२]
नारी लक्ष्मी, सरस्वती, नारी महाकाली
उठ अब बेथितिकाे महाजालाे फाली ।
✍️ दुर्गा वनवासी
झापा ।

[८३]
दबिएका ती तिम्रा आवाज खोतल्दै अगाडि बढ्नुपर्छ
कति बस्छौ हेपिएर समानताको शिखर चढ्नुपर्छ।
✍️ तारा कुमार थापा
माईजोगमाई-१, इलाम

[८४]
नसाेच्नु कसैले लड्दा लड्दै थाकेकी छन्
जागौँ नारी अस्तित्वको लडाइँ बाँकी झन्।
✍️ लक्ष्मण समीर
बर्दिया ।

[८५]
महान छिन् नारी आफैँमा नदाँज्नु पुरुष जस्ती भनेर,
असमानता र हिंसाकाे हिसाब पक्कै लिनेछिन् गनेर ।
✍️ शान्ति याक्साे
काठमाडौं ।

[८६]
नारी मिलेर अब साच्चै आगो नै बाल्नुपर्छ
अन्याय अत्याचार ती जरै देखि फाल्नुपर्छ।
✍️ लक्ष्मी श्रेष्ट
बिर्तामोड झापा ।

[८७]
नारी रुपमा जन्म लिएर शान सँग बाँच्नु नारी,
बढाउ पाईला अगाडिको नहट्ने पछाडि हारी।
✍️ दुर्गा आचार्य
मोरङ ।

[८८]
दुई शब्दले बनिएको जीवन नारी
संसार नै उसको महिमामा अभारी ।
✍️ रुद्रराज श्र्लाेक
दार्जिलिङ्ग ।

[८९]
नारी जिम्मेवारी बोकेर संसार चलाउन,
हिँड्छिन् कुना कन्दरा उज्यालो ज्योति जलाउन।
✍️ पौडेल विमुन्स
पोखरा कास्की ।

[९०]
नारी दिवस सबैले मनाउने,
जागरुक छाैँ भनेर जनाउने ।
✍️ सुशीला पाैडेल
अर्घाखाँची ।

[९१]
नारी तिमी सहनशील मेहनती हुन्छेऊ
खुशी सबैमा बाड्छाै तर एकान्तमा रुन्छेऊ।
✍️ सुमिना तिमल्सिना
भक्तपुर ।

[९२]
आह्वान गर्छु नारी जुटेर अघि बढाैँ
न्यायको निम्ति हामीले एकसाथ लडौँ।
✍️ रचना माेक्तान’यात्री’
काभ्रे ।

[९३]
देवी दुर्गा भनेर पुजिन्छन् यी नारी
नअल्झिउन् त्यतिकै लगाएर सारी ।
✍️ सारदा दाहाल भण्डारी
संखुवासभा ।

[९४]
नगरौँ दमन नारीलाई विभेद गरी
नारी पुरुष सबैलाई सम्झौं बराबरी।
✍️ जित बुढाथोकी छन्त्याल
बेलायत।

[९५]
साच्चै महान अपरिहार्य परिवर्तन जुन संसारले गर्दछ,
नारीको हृदयलाई ग्रहण गर्छ भनी मन विश्वस्तमा पर्दछ। ✍️ अच्युत घिमिरे
भुटान ।

[९६]
नारी हुन सृष्टि संसारकाे पहिचान,
उनीहरू बिना घर हुन्छ सुनसान।
✍️ रिना याेल्माे
दार्जिलिङ्ग ।

[९७]
अधिकार लिने मात्र हैन सदुपयोग पनि गरौँ
अरुकाे मात्र हैन नारीले सदा आफुमा भर परौँ।
✍️ साधना पाैडेल
रगनी-१, ओखलढुङ्गा ।

[९८]
सृष्टि गर्छिन बोकेर पीडा हाम्री जन्मदाता
नारी सहनशीलताकी खानी जननी माता।
✍️ अबजस चन्द्र
झापा ।

[९९]
सहलशील भै नारीले नै सृष्टि थामिराख्नु पर्छ
दिवसमा मात्र हैन सधैँ जुट नत्र हक मर्छ ।
✍️ निरज काेइराला

[१००]
प्रकृतिको अनुपम रुपकी खानी हुन नारी
राख्छिन् खुसी सधैं सन्ततिलाई आफ्नो इच्छा मारी।
✍️ काेकिला चाैधरी
बाँके ।

[१०१]
नारीमै छ महान शक्ति बलियो यो सृष्टि धान्ने दम,
हेप्नेगर्छ समाजले यदि भने नारी पनि के कम ।
✍️ ऋषिराम खनाल
मध्यबिन्दु ६ नवलपुर ।

[१०२]
दिक्क लाग्छ नारीको जिन्दगी सम्झिदा,
दु:खी हुन्छन् सबै किन छोरी जन्मिदा।
✍️ लालिमाया थापा मगर
प्यूठान ।

[१०३]
संस्कृति, संस्कारको आराधना तयारी
भक्ति, शक्ति, साधनाको प्रतिक हो नारी।
✍️ मेनुका खड्का
धुलिखेल ।

[१०४]
सबैलाई जन्माउने नारी हुन
नभुलाैँ कहिल्यै ममता र गुन ।
✍️ भाेलामान बर्देवा
धरान-८, सुनसरी ।

#टुक्का लेखन अभ्यास #टुक्का साहित्य समाज