साहित्यपोस्ट
नेपाली भाषा र साहित्यको सम्पूर्ण पत्रिका

एक्काइस झर

Chovar Blues Mobile Size

 

मुरारीराज मिश्र

१. खम्बा जस्तै भयाे जिन्दगी,
जेलिएका छन् समस्याका तारहरू !

२. भ्यागुताहरू कराउने बेलामा,
काेइलीकाे के काम !!!

३. सपना देख्न निदाउनुपर्छ हजुर,
खुला आँखाले त संसार मात्रै देखिन्छ !

४. शब्दको पनि स्वाद हुन्छ, बाेल्नुअघि चाखाैँ !
मीठो लागे मात्रै बाेलाैँ, नत्र आफैँ राखाैँ !!

sagarmani mobile size

५. ओखती हाे तिम्राे मुस्कान
दिनभरिकाे मेराे थकान बिर्साउँछ !

६. आँखाकाे आँसु लुकाऊँ,
ढाेका खाेल्दा मुस्कुराऊँ !

७. पीडा त सबैको एउटै नै हुन्छ हजुर,
कोही आँसु झार्छन्, कोही हाँसेर टार्छन् !!

८. दियाे निभ्नुमा ‘हावा नै दाेषी’ नहुन सक्छ,
झट्टै आराेप नलगाऊँ ‘तेल सकिएको’ हुनसक्छ !

९. जिब्रो तरबार त हाेइन,
तर यस्ले मुटु चिर्न सक्छ !

१०. कस्तो अचम्म !
आँखा एउटाकाे, आँसु भरिदिन्छ अर्काले !!

११. मन तृप्त हुँदा एक थाेपा पानी पनि वर्षातझैँ लाग्छ,
अतृप्त मनले त पूरै समुद्र पनि कम नै ठान्छ !

१२. अभावमा पनि खुशीहरू भेटिन्थे पहिले,
सम्पन्नता छ तापनि खुशी भेटिन्न अचेल !

१३. काटिनु छ भन्ने थाहा हुँदाहुँदै पनि उड्न छाेड्दैन !
वास्तवमा, जिउने कला त चङ्गाले पाे सिकाउँछ !!

१४. घडी त सस्तैमा पाइन्छ हजुर,
समय पाे महङ्गो छ त !!

१५. असल कार्य गर्दै जानुस् कसैले प्रशंसा गरुन् नगरून्,
हाँगा काटे भनेर रुखले अक्सिजन दिन छाेड्छ र ?

१६. आ-आफ्नाे विवेककाे कुरा हाे हजुर,
चाेरले त चन्द्रमालाई पनि शत्रु नै ठान्छ !!!

१७. गुन त दुवैले लगाएका हुन्छन् घरलाई,
तर, “छत”ले देखाउँछ “जग”ले लुकाउँछ !!!

१८. निकाले पछि पनि किलाकाे डाेब बाँकी नै रहन्छ,
वचन पनि त्यस्तै हाे हजुर !!!

१९. म सबैभन्दा माथि छु भनेर घमण्ड नगराैँ कि हजुर !
तला थपिएपछि घरकाे छत पनि भुइँमा बदलिन्छ !!

२०. बिरामी हुँदा सहयोगमा नउठ्ने हातहरू,
समवेदना लेख्न कति छिट्टै हतारिन्छन् !

२१. तिमीले अनुहारमा फिँजिएकाे कपाल हटायाै,
मैले भन्ठाने चन्द्रमा उदाएछ !

(उमामहेश्वर मार्ग, कामपा ७, कुमारीगाल)

प्रतिक्रिया
Loading...