
छ कस्तो नबुझ्ने जमाना अनौठो
लगायौ कताको निशाना अनौठो
तिमी छौ अरु छैन कोही त मेरो
कहाँ हो बताऊँ ? ठेगाना अनौठो
हिजोका सबै याद दिलमा सजाई
लुकाऊँ हिया मा ती पाना अनौठो
तिमी छौ र बज्दैछ बाजा मधुर यो
कुनै तालमा बज्छ गाना अनौठो
कतै बैण्ड बाजा कतै ताल बाजा
कतै जिन्दगीको तराना अनौठो ।
सेन्ट लुइस, मिजौरी, अमेरिका



साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।

Scan गर्नुहोला
