आउँदैछन् घरदैलोमा, जनतालाई ढाँट्नेहरू
सपना धेरै देखाएर, कुर्सीसँग साट्नेहरू ।

सपना मात्र देखाए खै, सिन्कोसम्म भाँचेनन्
फेरि मीठा भाषण गर्दै, थुकेको थुक चाट्नेहरू ।

दाइँ गरे देशकै, समाजवाद र लोकतन्त्र भन्दै
भाइ फुटाई देशलाई नै, टुक्रा पारी छाँट्नेहरू ।

रातदिन ताँती लाग्छ, देश छाडी विदेशिनेको
हार खाएजस्तो लाग्छ, देश बदल्न आँट्नेहरू ।

स्वर्गसरी थियो देश, नर्कसरी भयो अचेल
कमी छैनन् यहाँ लड्दै, आपसमा फाट्नेहरू।

मूल्यवृद्धि, बेरोजगारी र भ्रष्टाचार बढेको छ
कता गए क्रान्ति भन्दै, जनताको शिर काट्नेहरू ?

लेखकका अन्य सिर्जनाहरू पढ्न यहाँ क्लिक गर्नुहोस्...