नरेन्द्र पराशर

वार्णिक छन्दमा कविता कथ्न रूचाउनु हुने नरेन्द्र पराशर (नरेन्द्रप्रसाद गुरागाईं) २०२७ साल असोज १५ गते मोरङमा जन्मनु भएको हो । उहाँ वनविज्ञानका स्नातक हुनुहुन्छ । उहाँका महाकाव्यहरू गौरीशङ्कर (२०५८), बुद्धबोध (२०६३), प्रज्ञाचक्षु (२०७०) प्रकाशित छन् । उहाँले नाटक प्रेमसुधा (२०५९), कवितासङ्ग्रह शृङ्गारसुधा (२०६०), दर्शनसूत्रशत (मन्त्रकाव्यः २०६१), नीतिविचार (नीतिकाव्य, सहलेखनः २०६९) पनि रच्नु भएको छ । उहाँको जातक उपन्यास मुक्तियुद्धको बीउ (२०६६) समेत प्रकाशित छ ।