गजलकार दीपा घिमिरे लामो समयदेखि जापानमा प्रवासी जीवन बिताइरहेकी गजलकार हुन् । गुल्मी जिल्लामा जन्मिएकी घिमिरे हाल जापानको टोकियोमा पति र एक सन्तानको साथमा बस्दै आइरहेकी छिन् । स्कुले जीवनदेखि नै नेपाली साहित्यमा विशेष रुचि राख्ने घिमिरेलाई समयको नदीले बगाउँदै बगाउँदै प्रशान्त महासागर किनारमा ल्याएर छोडिदियो । तथापि उनमा भएको साहित्यिक हुटहुटी टोकियो आसपास आयोजना भइरहने साहित्यिक जमघटहरूमा पोखिइरहन्छ । लामो समयदेखि अनेसास जापानमा आबद्ध रहेकी दीपा घिमिरे मूलतः गजलमा कलम चलाउँछिन् र सँगै कविता लेखनमा पनि उस्तै रुचि राख्छिन् ।

उनी संवेदनशील गजलकार हुन् । उनी जीवनमुखी र पारिवारिक सामाजिक मूल्यप्रति प्रतिबद्ध स्रष्टा हुन् । उनका गजलहरूमा मानवीय सहअस्तित्व, मातृत्वको भावना, सम्बन्धको महत्त्व र जीवनसंघर्षका अभिव्यक्तिहरू प्रमुख रूपमा अभिव्यक्त भएका हुन्छन् । जीवन र संघर्षलाई सकारात्मक दृष्टिकोणबाट प्रस्तुत गर्नु उनको मूल प्रवृत्ति देखिन्छ । सरल र सहज भाषा शैलीका साथ गजल लेखनको अभ्यास गरिरहेकी गजलकार दीपा घिमिरेका तीन गजल आजको मुगलानी चराको अङ्क १७ मा प्रस्तुत गरेका छौँ ।

बन्छ निकै सुन्दर एक फूलबारी

जहाँ मिली बस्छन् पुरुष र नारी

सही दुःख कष्ट मिल्छ बग्न सँगै

किन हुनुपर्यो खोला वारि-पारि

आफैँमा छ पूर्ण जगत् संरचना

बाँच्छन् कोही हाँसी कोही आँसु झारी

मिल्दैन र खेल्न केही खेल यस्तो ?

बनून् सब बिजेता कसैले नहारी ॥

गजल २.

गजल ३.