आज मङ्सिर १५ गतेदेखि २९ गते बिहीवारसम्म नेपाल प्रज्ञा–प्रतिष्ठान, काठमाडौँमा ‘प्रज्ञा पुस्तक प्रदर्शनी’ आयोजना गरिने भएको छ ।

प्रज्ञाद्वारा आयोजित प्रदर्शनीलाई निमित्त कुलपति डा. जगमान गुरुङले शुभारम्भ गर्नुभयो ।

प्रज्ञा भवनको भानुभक्त कक्षमा भइरहेको पुस्तक प्रदर्शनीमा भाषा, साहित्य, संस्कृति, दर्शनशास्त्र र सामाजिकशास्त्रसँग सम्बन्धित महत्वपूर्ण नयाँ तथा पुराना प्रकाशनहरू पाइन्छन् । पुस्तक खरिदमा १५ देखि ४० प्रतिशतसम्म छुटको व्यवस्था गरिएको छ ।

प्रतिष्ठानले जारी गरेको सूचनाअनुसार बिहान १० बजेदेखि बेलुकी ४ बजेसम्म बिदाका दिनमा समेत प्रदर्शनी खुल्ला हुनेछ ।