नेपाल प्रज्ञा–प्रतिष्ठानमा पुस्तक प्रदर्शनी सुरु भएको छ । प्रज्ञा–प्रतिष्ठानको ३७ औँ प्राज्ञ सभा तथा युवाकवि मोतीराम भट्टको जन्मजयन्तीका अवसरमा आयोजना गरिएको पुस्तक प्रदर्शनी सोमवार कुलपति गङ्गाप्रसाद उप्रेतीले शुभारम्भ गर्नुभएको थियो । प्रदर्शनीमा प्रज्ञा–प्रतिष्ठानबाट प्रकाशन भएका नयाँ तथा पुराना महत्त्वपूर्ण पुस्तकहरू उपलब्ध छन् । पुस्तक खरिदमा १५ देखि ४० प्रतिशतसम्म छुटको व्यवस्था गरिएको छ । प्रदर्शनी विदाको दिनसमेत खुल्ने छ ।