समता साङ्गीतिकको शतक श्रृङ्खला हुने भएकाे छ । प्रत्येक दुई महिनाको दोस्रो शनिबार गरिंदै आएको कार्यक्रमको १०० औं श्रृङ्खला पोखरामा हुनेभएकाे हाे ।

‘साहित्य, कला र सङ्गीतको उत्थानः हाम्रो प्रण !’ भन्ने मूल नाराका साथ पोखरामा पाँच दशकदेखि क्रियाशील पोखरेली युवा सांस्कृतिक परिवारको आयोजनामा पोखरा इभेन्ट सेन्टरको सभाहलमा कन्दरा ब्यान्डले गीत, सङ्गीत प्रस्तुत गर्नेछ ।

धर्मराज थापा, अरुण थापा, सरोज गोपाल बज्राचार्य, विनोद गौचनको सम्झनामा रामभक्त जोजिजु, विनोद बानिया, इतु जोजिजु, रजनी ऋदम राई, सन्तोष बस्याललगायतको प्रस्तुति रहने परिवारका सङ्गीत संयोजक एमडी काफ्लेले जानकारी दिए ।

अग्रजहरूको सम्मान र समता साङ्गीतिकको शतक श्रृङ्खला विशेष गर्न लागेको संस्थाका अध्यक्ष उपेन्द्र पौडेलले बताए । उक्त साङ्गीतिक कार्यक्रममा गीतसङ्गीत प्रेमी सम्पूर्णलाई निःशुल्क प्रवेशको व्यवस्था गरिएको छ ।

पोखरा महानगरपालिका प्रर्वधक, सहआयोजकमा सामाजिक विकास तथा युवा खेलकुद मन्त्रालय, गण्डकी प्रदेश, गण्डकी प्रज्ञा प्रतिष्ठान, सुजल डेरी रहेका छन् ।