सुन्दर शिरीष

सुन्दर शिरीष

दुई हजार वर्षअघि–
रोम जल्दै थियो
निरो बाँसुरी बजाउँदै थियो ।

यता अहिले–
संसद् भवनअगाडि
‘प्रेम’हरू जलिरहेका छन्
सरकारका ठेकेदारहरू
जलिरहेको देहबाट
उठेको आगोको विद्रोही चित्कारमा
सत्ताको नलिहाड फुक्दै
बजाइरहेछन् कर्कस धुन

तपाईंलाई लाग्ला–
चित्कारका लप्कामाथि
शासक कसरी संगीतमा झुम्न सक्छ ?

किनकि–
तानाशाहहरू संवेदनामाथि
खेलबाड गर्नु मनोरञ्जन ठान्छन् ।