राजु प्रधान “हिमांशु” (खरसाङ)

बोल्नेको तिखो मुख थुन्नु कहाँ सकिन्छ र
पापको भीडमा पुण्य चुन्नु कहाँ सकिन्छ र

जेजति छ र पनि सन्तुष्ट हुँदैन लोभी मन
रिसको हल्लामा धैर्य सुन्नु कहाँ सकिन्छ र

उचाइमा पुगे पनि हुन सकेन भरोसाको कदर
फाटेको मनमा माया तुन्नु कहाँ सकिन्छ र

नातामा शङ्काले आस्थाको धागो चुँडाएपछि
मित्रताको जालो फेरि बुन्नु कहाँ सकिन्छ र

समाधानका लागि वार्ता नै रहेछ बलियो सूत्र
युद्धमात्र गरेर शान्ति गुन्नु कहाँ सकिन्छ र

डाउहिल,खरसाङ (भारत)