ससाना खोला खोल्चा पनि
बगरको बस्ती छिचोलेर
आन्दोलनमा उठेपछि
एउटा सिंगै समुद्र बन्दोरहेछ
कमसेकम समयमै – बुझ्नेले बुझ्नुपर्छ

जति फोहोरले थिचेपनि सह्यो भन्दैमा
जति ढल मिसे पनि बह्यो भन्दैमा
हेपिएका ससाना खोला खोल्चाहरू
सधैँ कहाँ शान्त बसेको हुँदारैछन् र !
आफ्नो स्वाभिमानको सीमा
सजिलै कहाँ बिर्सेको हुँदो रैछ र !
कमसेकम समयमै – बुझ्नेले बुझ्नु पर्छ

महल र छाप्रोको सुशासन
समान छ भन्दा भन्दै
देख्नेले फरक किन देख्यो ?
पद्दति र शासक राम्रो छ भन्दा भन्दै
समयले फरक ईतिहास किन लेख्यो ?
कमसेकम समयमै – बुझ्नेले बुझ्नु पर्छ ।