१. मुक्तक
म त पीडा पेल्ने मेसिन हुँ, पीडा पेलेर हिँड्छु
म विधान हुँ, आफ्नो भाग्य आफैँ लेखेर हिँड्छु
के भनौँ मेरो बारेमा, मान्छे एक काम अनेक गर्छु
म त व्यापारी हुँ, स्वार्थीसँग निस्वार्थ बेचेर हिँड्छु ।
२. मुक्तक
शब्द हुँ भने म, भाव तिमी हौ
जस्तो छु जे छु, प्रभाव तिमी हौ
सबै भएर पनि उदास देख्यौ भने
यति बुझिराख्नु, अभाव तिमी हौ ।
३. मुक्तक
जानी–जानी अरूलाई ठेल्न मन पराउँछन्
मानसिक तनाव दिएर पेल्न मन पराउँछन्
खारेज गरिदेऊ सरकार, विश्वका सबै खेलहरू
मान्छे अरूको भावनासँग खेल्न मन पराउँछन् ।