१
दुखेको छ भित्री मन त खोज्नुपर्छ
पीडाहरूको छ भिडन्त खोज्नुपर्छ ।
भन्छन् छोराले आँसु देखाउन हुन्न
मैले रुन पनि एकान्त खोज्नुपर्छ ।
२
रहन्न सधैँ कालो रात उज्यालो आउँछ
एकदिन पक्कै मेरो पनि पालो आउँछ।
तिम्रा यादले पनि यसरी घोचिदिन्छन्
यो मनको बस्तीमा भुइँचालो आउँछ ।
३
राखेर आँखाका नानीमा जानेछु
डुङ्गा न हुँ, बगेर पानीमा जानेछु ।
मेरो जीवनमा तिमी कुन पात्र थियौ
एकदिन सुनाएर कहानीमा जानेछु।