लाइन छिट्टै सर्याे।
उसका औँलामा मसी अझै लागेको थिएन तर दिमागमा धेरै कुरा थिए ।
उसको मोबाइल स्क्रिनमा स्टोरीहरू बगिरहेका थिए,
“यस पटक परिवर्तन ।”
“अब पुराना हुँदैनन् ।”
“अब माथि पुर्याउनु पर्ने एक जना छ ।”
ऊ पनि त्यही सपना देखेर यहाँ आएको हो तर त्यो सपना यहाँको उम्मेदवार होइन ।
मतपत्र हातमा आयो । उसले नाम खोजेन, चिन्ह पनि खोजेन ।
उसले अनुहार खोज्यो,
जसले काम गरेको होस्,
जसले झुट कम बोलेको होस्,
जसको जितले उसलाई लाज नलागोस् ।
लाइनको अर्को युवाले भन्यो,“जे भए पनि नयाँलाई हाल्ने हो ।”
उसले हल्का स्वरमा भन्यो, “नयाँ ठीक होला । तर पुराना सबै गलत होइन ।”
“माथि पुग्ने सपना साँचो बनाउने हो भने तलबाट नै सही मान्छे पठाउनुपर्छ ।” भन्दै भिडले रोजेभन्दा पर आफूले रोजेर छाप लगायो ।