नसुनाऊ मलाई अरूका कुरा
एकपटक सबैको फुटेको छ भाग्यको चुरा ।
म बाँचेको यसैले हो लत भए पनि
म मेरो नजरमा सही छु तिम्रो नजरमा गलत भए पनि ।
म आफ्नै तालमा नाच्छु तर जुरेली होइन
म आफूलाई खुसी बनाउँछु जुन झेली होइन ।
मान्छु तिम्रो सोच सपना अल्छी छैन
तिमीलाई समात्न सक्ने कुनै बल्छी छैन ।
तर विचार गर तिमी पनि
अँध्यारोलाई सराप्दैमा जुन पल्टिँदैन ।
चिन्न नखोज मलाई कोही होइन म
छिन्न नखोज मलाई ठेकीको मोही होइन म ।
झूटो सुख र दुःख कहिले पनि साट्दिनँ
नक्कली आँसु बोक्ने पानीको गोही होइन म ।
नसुनाऊ मलाई अरूका कुरा
एकपटक सबैको फुटेको छ भाग्यको चुरा ।
म बाँचेको यसैले हो लत भए पनि
म मेरो नजरमा सही छु तिम्रो नजरमा गलत भए पनि ।