हरपल अबोध्य छ
बुझ्नै नसकिने
एक निमेषमा परिवर्तन हुने
एकछिनपछिको भन्नै नसकिने
अस्थिर लाग्ने यो जिन्दगानी !
एकैछिनमा दुखित भयो
एकैछिनमा खुसी भयो
न दुःख स्थायी हुन्छ
न त हुन्छ सुख नै
अचम्म लाग्छ यो जिन्दगानी !
एकैछिनमा प्रकट हुन्छन् घटना
एकैछिनमा सकिन्छन् पनि
फुट्ने पानीका फोकाजस्तै
सबै कुरा अस्थिर लाग्छन्
अस्थिरताको यो जिन्दगानी !
खोज्दाखोज्दै हराउने
मनै चञ्चल बनाउने
पुरानै पनि नयाँ लाग्ने
नयाँ–नयाँ समयका संयोगहरू
नबुझिने रहेछ यो जिन्दगानी !
अस्थायीको निरन्तरतामा
निरन्तरताको अदलबदलमा
दुर्बोध्य लाग्ने हरेक पलपलमा
सधैँ रहस्यमय लागिरहने
जिज्ञासाभित्र यो जिन्दगानी !