बग्दै आयौ हिमालबाट, नामै तिम्रो सेती
हाम्रा पुर्खा कहाँ लग्यौ, भनिदेऊ न यति ।
हे… सेती, भनिदेऊ न यति ।
बनाएर किनारमा ढुङ्गाको सिरानी
आँसु झार्दै आएका हौँ, बगाउँदै खरानी ।
त्रिशूली र नारायणी हुँदै पुग्यौ गङ्गा
बाँचिरहेकै छौँ आज हामी, यादहरूसँग ।
बग्दै आयौ हिमालबाट, नामै तिम्रो सेती
हाम्रा पुर्खा कहाँ लग्यौ, भनिदेऊ न यति ।
हे… सेती, भनिदेऊ न यति ।
हाम्रो मन चर्किन्छ, तिमी चर्किँदैनौ
पुग्छौ तल बङ्गालमा, तिमी फर्किँदैनौ ।
बोलाउँछ यो मनले, बोल्दै नबोले पनि
तिम्रा पुर्खा यहाँ छन्, भनी भन्दै नभने पनि ।
बग्दै आयौ हिमालबाट, नामै तिम्रो सेती
हाम्रा पुर्खा कहाँ लग्यौ, भनिदेऊ न यति ।
हे… सेती, भनिदेऊ न यति ।