सम्बन्धहरू
चाहँदैमा बन्दैनन्
समयले बुनिरहेको हुन्छ ।
कयौँ सम्बन्धहरू हामीले रोजेका पनि हुँदैनौँ
समयसँगै आफैँ जोडिरहेका हुन्छन् ।
केही सम्बन्धहरू प्रारब्ध बनेर आएका हुन्छन्
केही पाठ बनेर सिकिन्छन्
केही त मौनतामै बसेर तड्पिन्छन्
र थाहा नपाई दुई आत्मा हल्लाइदिन्छन् ।
हामी भेटलाई संयोग भन्छौँ
विछोडलाई दुर्भाग्य
तर आत्मा जानकार हुन सक्छ
यी सबै जीवन यात्राका मोडहरू हुन् ।
कुनै सम्बन्धले प्रेम सिकाउँछ
कुनैले धैर्य, कुनैले क्षमा
तर सबै सम्बन्धहरूले हाम्रो चेतनामा
कहिल्यै नबुझिने उज्यालो छोडिरहेका हुन्छन् ।
सम्बन्धका डोरीहरू कहिलेकाहीँ
नजिक भएर पनि टाढा हुनुपर्छ
कहिलेकाहीँ
टाढा भएर पनि आत्मासँगै जोडिनुपर्छ ।
माया अधिकार होइन, प्रेमात्माको सेवा हो
सम्बन्ध कब्जा होइन, प्रेमीप्रतिको समर्पण हो ।
प्रेमको प्रेमालय
टाढा रहन र महसुस गर्न सक्नु हो ।
मौन स्वीकार बेजोड शक्ति हो
त्यही दिन प्रेमिल आत्मा हलुका हुन्छ ।
अन्तत थाहा हुन्छ
हामी सबै समयका यात्रु हौँ
तोकिएका क्षणहरूका सहयात्री ।
र जीवन डोर्याउने
त्यही अदृश्य प्रेमको धागोले हो
जुन प्रेम, करुणा र चेतनाले बुनेको छ
नदेखिए पनि महसुस हुने
नबोले पनि अन्तरात्मासम्म सुनिने ।