नयाँ पार्टी उदायो
नयाँ विचार, नयाँ आशा बोकेर साथमा
जनताको भरोसा र विश्वास पुगेको छ आज नयाँको हातमा ।
वाचा धेरै सुनियो, अब काम गरेर देखाऊ
अन्धकार चिरेर नयाँ उज्यालो नेपाल लेखाऊ ।
युवा वर्ग हिँडिरहेछन् तिमीसँग ठुलाठुला सपना बोकी
रोजगार र शिक्षाका लागि परदेशिनबाट रोकी ।
भ्रष्टाचार हटोस्, सहिदहरूले न्याय पाऊन्
सुशासन र समानताको बाटोमा देश अघि जाओस्।
रोजगारीको पसिना बगाउन स्वदेशमै अवसर मिलोस्
शिक्षा र स्वास्थ्यका ढोका यही देशमै खुलोस् ।
अन्यायको अन्धकार हटेर उज्यालो छाओस्
जनताको भरोसा र अधिकार सधैँ मजबुत रहोस् ।
हिमालको काखमा बाँचेको मेरो देशले
परिवर्तनको आशा साचेको छ मेरो देशले ।
परिवर्तनको घाम कहिले उदाउँछ भनेर
समय गनेर बसिरहेको छ मेरो देश ।