म
एउटा आशाको खोजीमा
सात समुद्र तर्न सक्छु
म
एउटा विश्वासको निम्ति
सिङ्गो जीवन अर्पण सक्छु ।
म एउटा जीवनको लागि
सयौँ दुःखका पहाड चढ्न सक्छु
म एउटा सत्यको लागि
कोटी झुटको सामना गर्न सक्छु ।
म अँध्यारोमा बाँच्नेहरूका लागि
भ्रमका पर्दाहरू च्यातेर
बस्ती-बस्तीमा
उत्साहका किरणहरू छर्न सक्छु ।
म एउटा तथ्यको लागि
दुनियाँ रिझाएर, रुवाएर
तीन लोक, चौध भुवन
डुल्न सक्छु ।
म सृष्टि रचनाका खातिर
ममता र सहनशीलताको
खेती गरेर
नवजीवन उमार्न सक्छु ।
निरीह नसम्झ मलाई
पाउमा नेल ठोकेर
बन्धनका जन्जिरले
नबाँध मलाई ।
किनकि
म नारी हुँ
अस्मिताका लागि
एकै निमेषमा
संसार निल्न सक्छु
ओकल्न सक्छु ।