कविता : बोनसाई

सौन्दर्यविलासी मनमा

प्रकृतिको

प्राकृतिकतामाथि

नियन्त्रण गर्ने प्रतापी प्रवृत्ति ।

विशाल रुखहरूका वर्द्धमान शरीरमा

प्रबल शक्तिको अवरोधित प्राचीर ।

सनातनी रुखहरू

बाउन्ने हुन जान्छन्

बिस्तारै हराउँदै जान्छन्

रुखहरूका रूप र यौवन

नासिन लाग्छ उर्वरता ।

प्रतापी सौन्दर्यविलासमा

एउटा सानो गमलामा जीवित भइरहन्छन्

गतिरुद्ध गरिएका रुखहरू

लामा सुस्केराका बीचैमा ।

मूल असमिया: दिक्षिता भूञा

अनुवाद: डा. देवेन सापकोटा