भरतपुर । लेखक निर्दोष जीवनको नयाँ कृति ‘प्रेमको सुगन्ध’ प्रकाशनको तयारीमा रहेको छ। दुई सय मुक्तक समेटिएको उक्त कृतिलाई गजल मञ्च चितवनले प्रकाशन गर्न लागेको हो।
साहित्य लेखनसँगै गायन र सङ्गीतमा समेत रुचि राख्ने निर्दोष जीवन तीनवटै विधामा सक्रिय स्रष्टाका रूपमा परिचित हुुनुहुन्छ । गीत र मुक्तकबाट साहित्यिक यात्रा सुरु गर्नुभएकाे उहाँको पहिलो कृति ‘आशीर्वाद’ (गीत, मुक्तक र हाइकू सङ्ग्रह) हो।
यसअघि उहाँका ‘नयाँ जीवन’, ‘प्रार्थना’, ‘मैयाँ’, ‘कोर्राको चोट’, ‘फस्ट लभ’, ‘प्रिय साथी’, ‘मेरो गीत’ र ‘नोस्टाल्जिया’ गरी नौ कृति प्रकाशित भइसकेका छन्।
नयाँ कृति ‘प्रेमको सुगन्ध’ ले मुक्तक विधामा लेखकको निरन्तर सक्रियता र सिर्जनात्मक यात्रालाई थप सुदृढ बनाउने अपेक्षा गरिएको छ।