१.
उनकै यादले सताउँछ अचेल, बाँच्नै सकिन्न
यस्तै रहेछ यो पिरतीको खेल, बाँच्नै सकिन्न
जुनीभर सँगै जिउने-मर्ने बाचा कसम हाम्रो
भयो भने मायामा जालझेल, बाँच्नै सकिन्न ।
२.
मनकी प्रेयसीलाई रुन दिन्नँ कहिल्यै
एकछिन पनि टाढा हुन दिन्नँ कहिल्यै
आफू दुःखी भएर पनि सुखी बनाउँछु
साँच्चै आँसुले मुख धुन दिन्नँ कहिल्यै ।
३.
“तिमी हौ दिलको राजा पाउँछु” भनेपछि
“राति–राति मलाई भेट्न आउँछु” भनेपछि
म पनि तिम्रो पिछा कसरी छोड्न सक्थेँ र
“जुनी जुनी चोखो माया लाउँछु” भनेपछि ।
४.
सजिलै रूपमा ढलाइदिन्छु, ढाल्नुपर्छ
भने निभाउनु हुन्न मायाको दीप, बाल्नुपर्छ
भने; साँच्चै अब अरूसँग साइनो जोडेर के काम
जिन्दगीभर तिमीलाई नै अङ्गाल्नुपर्छ भने ।