हिमाल, पहाड, तराई, मधेस एउटै कुरा भन्छ
यसपालि त मलाई पनि ठिटै हुने मन छ ।
गाउँ, सहर, बस्ती–बस्ती एउटै स्वरमा भन्छ
यसपालि त मलाई पनि ठिटै हुने मन छ।
उल्झिएको साङ्ले गाँठो फुकाउँछौँ भन्छ
यसपालि त मलाई पनि ठिटै हुने मन छ।
विसङ्गति, बेथितिलाई चिर्छौँ–चिर्छौँ भन्छ
यसपालि त मलाई पनि ठिटै हुने मन छ।
आशा, ऊर्जा, भरोसा बढाउँछु भन्छ
यसपालि त मलाई पनि ठिटै हुने मन छ ।
जातजाति, संस्कृति सबै जोडौँ–जोडौँ भन्छ
यसपालि त मलाई पनि ठिटै हुने मन छ ।
गाईसरि साधु–सन्त शङ्खनादले भन्छ
यसपालि त मलाई पनि ठिटै हुने मन छ।
शास्त्रीय, लोक र आधुनिक गीत–सङ्गीत भन्छ
यसपालि त मलाई पनि ठिटै हुने मन छ ।
मेचीदेखि महाकाली दूरदराज भन्छ
यसपालि त मलाई पनि ठिटै हुने मन छ।
विश्वव्यापी फैलिएको नेपाली समाज भन्छ
यसपालि त मलाई पनि ठिटै हुने मन छ।
बाजे–बज्यै, बुबा–आमा दाजु–बहिनी भन्छ
यसपालि त मलाई पनि ठिटै हुने मन छ ।
खुम्चिएर, कुप्रिएर कति बसौँ भन्छ
यसपालि त मलाई पनि ठिटै हुने मन छ।
कुशासन र कुकर्म सबै अब सहन्न भन्छ
यसपालि त मलाई पनि ठिटै हुने मन छ ।
सगरमाथा शिखरबाट बुद्धवाणी भन्छ
यसपालि त मलाई पनि ठिटै हुने मन छ ।
चार जात, छत्तिस वर्ण एउटै स्वरमा भन्छ
यसपालि त मलाई पनि ठिटै हुने मन छ ।