तिमी एउटा भूगोलमा, म छु अर्कै सागरपारि
सम्झनामै बाँच्नुपर्ने, कस्तो माया रैछ बरै !
कति बिताऊँ एक्लो जीवन, सुनसान यो परदेशमा
तिमी फुल्यौ क्षितिजपारि, म बासना टिपूँ कहाँ ?
उजाड यो पिरतीको कथा कसले रच्यो फेरि ?
सम्झनामै बाँच्नुपर्ने, कस्तो माया रैछ बरै !
टाढा भनूँ नजिक लाग्छ, नजिक भनूँ भेट हुँदैन
सँगै बस्ने रहर थियो, बसौँ भोक मेटिँदैन ।
पिरतीको बाटो यस्तो हुन्छ किन वारिपारि ?
सम्झनामै बाँच्नुपर्ने, कस्तो माया रैछ बरै !
तिमी एउटा भूगोलमा, म छु अर्कै सागरपारि
सम्झनामै बाँच्नुपर्ने, कस्तो माया रैछ बरै !