परीक्षा लिँदै छ अब जिन्दगीले
स्वीकारौँ दियो जे–जति नियतिले
हाँस्दै खियाऔँ जिन्दगीको नाउ
रोई फाइदा के ? आऊ रमाऔँ ।
जिन्दगी हो जिउन, रुनलाई होइन
सधैँ सुख मात्र कहीँ पनि छैन
हाँसेर दुःखलाई पनि सुख बनाऔँ
रोई फाइदा के ? आऊ रमाऔँ ।
हामी रोए दुनियाँ उपहास गर्छ
हामी हाँसे वैरीको पनि मेख मर्छ
हाँसेर दुःखमा पनि सुख मनाऔँ
रोई फाइदा के ? आऊ रमाऔँ ।
जिन्दगीमा यस्तो सबैलाई पर्छ
स्वीकारे खुसीले सबै दुःख टर्छ
पुछिदिन्छु आँसु अब मुस्कुराऊ
रोई फाइदा के ? आऊ रमाऔँ ।