नझर्ने फललाई किन हान्छौ झटारो
नबस्ने भए किन चिन्छौ चौतारो
नफल्ने खेतीलाई किन गर्छौ हतारो
नतिर्ने भए किन माग्छौ उधारो ।
नहिँड्ने बाटोमा किन खन्छौ गोरेटो
नफर्किने मान्छेलाई किन लेख्छौ चिर्कटो
नआउने मान्छेलाई किन हेर्छौ फर्केर
नपाउने साथलाई बस्छौ किन पर्खेर ?
नफल्ने खेतीलाई किन गर्छौ हतारो
नतिर्ने भए किन माग्छौ उधारो ।
नभिज्ने मनलाई किन दिन्छौ ओत
नबल्ने दियोमा किन हाल्छौ घिउ-घोत
नझुक्ने हाँगामा किन खोज्छौ छहारी
नभेट्ने मायाको किन लिन्छौ पिर भारी ?
नफल्ने खेतीलाई किन गर्छौ हतारो
नतिर्ने भए किन माग्छौ उधारो ।
टिप्पणीहरू
अहिले कुनै टिप्पणी छैन। पहिलो टिप्पणी तपाईं नै गर्नुहोस्।